Mahindra Cuts SUV Prices After GST Rate Revision: દેશની મોટી ઓટોમોબાઇલ કંપની Mahindra & Mahindra Ltd. (M&M) એ SUV પ્રેમીઓને મોટી ખુશખબર આપી છે. કંપનીએ જાહેરાત કરી છે કે હવે તેની લોકપ્રિય SUV મોડલ્સના ભાવ ઘટી જશે, કારણ કે 3 સપ્ટેમ્બર, 2025ના રોજ યોજાયેલી 56મી GST કાઉન્સિલ મીટિંગમાં સરકારએ નવા GST અને cess રેટ્સ જાહેર કર્યા છે. મહિન્દ્રાએ જણાવ્યું કે નવા ભાવ 6 સપ્ટેમ્બર, 2025થી દેશભરના ડીલરશીપ અને ઓનલાઇન પ્લેટફોર્મ પર લાગુ પડશે.
Thar, Scorpio, Bolero અને XUV700 પર મોટી બચત
ભાવ ઘટાડા બાદ મહિન્દ્રાની લોકપ્રિય SUV જેમ કે Thar, Scorpio, Bolero, XUV700 અને Scorpio-N હવે વધુ સસ્તી થઈ ગઈ છે. ગ્રાહકોને હવે ₹1.01 લાખથી લઈને ₹1.56 લાખ સુધીની બચત મળશે, જે મોડલ અને વર્ઝન પ્રમાણે બદલાશે.
Thar 2WD Diesel હવે ₹1.35 લાખ સસ્તી થઈ ગઈ છે. Thar 4WD Diesel અને Scorpio Classic પર ₹1.01 લાખ નો ઘટાડો થયો છે. Scorpio-N માં ગ્રાહકોને ₹1.45 લાખ સુધીની બચત થશે, જ્યારે Thar Roxx પર ₹1.33 લાખ નો ઘટાડો થયો છે. મહિન્દ્રાની ફ્લેગશિપ SUV XUV700 હવે ₹1.43 લાખ સસ્તી મળી રહી છે.
આ ઉપરાંત, Bolero અને Bolero Neo પર ₹1.27 લાખ સુધીની બચત થશે. XUV3XO Petrol હવે ₹1.40 લાખ સસ્તી છે અને XUV3XO Diesel પર સૌથી મોટો ₹1.56 લાખ નો ભાવ ઘટાડો થયો છે.
Mahindra Cuts SUV Prices After GST Rate Revision – Model-Wise Table
આ પણ વાંચો:-GST Cut પછી શું પ્રાઇસ હશે અલ્ટો,સ્વીફ્ટ ડિઝાયર,વેંગાનર?ચેક કરો અનુમાનિત કિંમત
ભાવ ઘટાડાનું મુખ્ય કારણ
આ ઘટાડો સરકાર દ્વારા જાહેર કરાયેલા નવા GST સ્ટ્રક્ચરને કારણે આવ્યો છે. નાણાં પ્રધાન નિર્મલા સીતારમણની અધ્યક્ષતામાં લેવાયેલા આ નિર્ણય મુજબ, પેટ્રોલ, LPG અથવા CNG પર ચાલતી 1,200cc સુધીની અને 4,000mm સુધીની કાર તેમજ ડીઝલ કાર 1,500cc સુધીની અને 4,000mm સુધીની કાર પર હવે માત્ર 18% GST લાગશે.
જ્યારે 1,200ccથી વધુ પેટ્રોલ અને 1,500ccથી વધુ ડીઝલ એન્જિન ધરાવતી તથા 4,000mmથી લાંબી SUV પર હવે 40% ટેક્સ લાગશે.
Tata Motors પણ લાવી મોટી રાહત
મહિન્દ્રા પહેલાં જ Tata Motors એ પણ 22 સપ્ટેમ્બર, 2025થી તેના વાહનોમાં ભાવ ઘટાડાની જાહેરાત કરી હતી. હવે કંપનીની Tiago કાર ₹75,000 સસ્તી થઈ ગઈ છે, Tigor પર ₹80,000 નો ઘટાડો થયો છે અને Altroz hatchback પર સૌથી વધુ ₹1.10 લાખ નો ઘટાડો થયો છે.
SUV સેગમેન્ટમાં Punch હવે ₹85,000 સસ્તી છે, જ્યારે લોકપ્રિય Nexon પર સૌથી મોટો ₹1.55 લાખ નો ઘટાડો થયો છે. ટાટાની નવી લોન્ચ થયેલી Curvv કાર ₹65,000 સસ્તી થઈ છે, અને પ્રીમિયમ SUV Harrier અને Safari હવે અનુક્રમે ₹1.40 લાખ અને ₹1.45 લાખ સસ્તી થઈ ગઈ છે.
ગ્રાહકોને ફાયદો
નવરાત્રિના આરંભ સાથે લાગુ થનાર આ GST સુધારો કાર માર્કેટમાં ભારે વેચાણ લાવશે તેવી અપેક્ષા છે. SUV પ્રેમીઓ માટે આ એક સોનાનો મોકો સાબિત થશે, જ્યાં તેઓ પોતાના સપનાની કાર ઓછી કિંમતે મેળવી શકે છે.
અંગ્રેજીમાં વાંચો:-Mahindra Cuts SUV Prices After GST Rate Revision | Thar, Scorpio & XUV700 Become Cheaper
